本身明明諗住去吉烈專門店，正想拎飛仔期間，見到隔離舖原來係友人好中意食ge蕎麥麵~ 咁就去左隔離拎飛仔喇！而哩間就係 "黑瀧板蕎麥專門店"
咁都等左20分鐘左右，期間其實都幾多人埋單走人，但就無乜放過人入去；我諗係執枱耐左ｄ掛；不過又唔算等好耐，ＯＫ啦～
入去坐低，坐位係同旁邊張相"算" 係有間隔，但張枱唔係間開左，我諗係空間感大Ｄ～無咁焗束；
（但其實假如隔離唔係食鐵板燒(?)，我地Ｄ煙攻晒去隔離，我都鄧佢地辛苦....）
咁叫野食先～ 咁早係等位期間，兩條友仔已經一早鎖定 " 蟹膏牛舌燒 蕎麥餐" (個名係我求其改, 因為我根本唔記得) !
咁叫完呢，就好似好快有野食～ 但一切只係假像～～～～～～只係放低個醬汁快，其他野一Ｄ都唔快 XD
我係唔明白，Ｄ野係我燒；究竟... 佢需要準備ge....係邊度.....
不過女人吹下水時間好快過，是但啦～
咁D野到齊喇 ～ 張枱係唔夠位擺哩個set ge.... 開頭職員直情係擺到有d "錯" .... 係為俄羅斯方塊式咁放晒D野上張枱，唔需要諗你點樣用餐；係咁細張枱放咁大壇野應該係一個高難度動作，但我相信我地唔係第１個叫哩個SET ge 客人 ~ （不過之後有大粒少少ge 黎執執佢）
雖然講就咁多唔鋸，但係食黎講，我哩一餐都係滿意ge ~
但最滿意在唔係ｄ麵，只係牛舌～
麵唔知係咪整完pat係度太耐? 有d 痴痴地, 想夾一住變左一大舊... lol
不過呢... 我第１次食蕎麥麵咋，講起都醜醜地；都係因為我次次都係食烏冬，有蕎麥麵我都轉烏冬 XD 咁今次獻出我第１次, 我覺得OK ge ；老實說，其實我根本唔知應該係咩口感咩味道 XD 總之就入得口啦～ 但友人本身中意食soba~ 佢都話滿意ge :-) 而蕎麥麵醬汁，友人覺得要多Ｄ wasabi，而我覺得要多少少薑 ~ 就可以更好喇 ~
講番條最愛的脷~ 好爽口！不得了！完全覺得唔夠滿足！想係咁食係咁砌 ~ (不過其實我地２個都係食完成個餐就剛好夠飽～只係心靈不夠滿足)
咁哩個SET呢，附有兩個醬料可以點牛舌，一個係燒汁，一個係蟹膏汁(?) ；其實我比較習慣食野唔點醬料，不過我覺得點牛舌的話，燒汁好食Ｄ～但蟹膏汁唔係唔好食，只係配牛舌，會變左無乜味；我誠意推廌大家... 直接飲左佢 XD
我無搞gag！我同朋友都唔記得自己哩個係蟹膏牛舌燒～用筷子點下點下都試唔到咩味，就問下職員，呀～原來係蟹膏～ 跟住我地決定直接拎起隻杯痴落咀試味 , UM.. 好好味！！！之後直情當粥咁飲晒佢 ~ 唔會太濃太咸，直情想添飲（不過無可能啦 XD）
除左牛舌～仲有各種菇，南瓜，洋葱可以燒～ 味道都是OK的~ 只係果一舊仔牛油真係唔夠...(假如分開2次燒的話) ...
雖然口賤講到好似好唔鋸咁，但我係會翻啅佢！ 睇下除左條脷仲有咩好食！
=============================================
黑瀧板蕎麥專門店 Kurotaki
地址：銅鑼灣告士打道280號世貿中心413-415號鋪
電話：2711 6362
營業時間：星期一至日: 12:00-15:00;18:00-22:30
=============================================
沒有留言:
張貼留言