我係美戰迷

哩張咁女人ge畫，係美少女戰士作者 - 武內直子好耐年前所畫ge作品，並唔係新ge～

只要佢地變身做公主模樣時，就一定係著哩套"晚裝" 

係我好喜歡ge一張畫。

美少女戰士，都算係近期熱話
而我係一個美戰迷，但我唔喜歡舊版動畫
原因?
因為我唔中意佢每集打一堆奇撚怪狀on9二打六，每次死嘅時候都大叫自己個名，屌那星，我真係認為十分on9 !! 打足廿個on9就打一次大佬，儲夠4個大佬就可以見到大大佬，屌你老味 !
而且，人物設定，月野兔係接近智障 ! 而禮服矇面俠係廿個on9 !
所以當年，睇完頭二三輯我已經無再追動畫。連我阿媽都話「你唔係好中意嘅咩」
有時見阿媽睇緊，我睇一陣，都覺得唔撚得掂，睇下漫畫叉叉電補補元氣先

最近，新一輯開播，大家都係度討論點解塊面咁尖，做乜跟韓風整容。
而我地某一撮美戰漫畫迷，真係火都離撚埋。
當年一套18冊漫畫，唔記得第幾期喇，作者武內直子講過(我係一頁都唔放過)，制成動畫佢好開心，但係因為佢自己畫嘅漫畫太少女風，好難制成動畫，所以外貌上有出入(其實我買過一期TV版漫畫，但細個覺得太樣衰掉左)
而咁多年後嘅今日，動畫制作技術應該有所進步，直子可以了左佢嘅心願，係動畫中，呈現出佢最喜歡嘅美少女戰士。
對於佢，對於我地一班死忠黎講，係相當開心ge事；

睇住舊版動畫長大ge你 你 你 ~ 辛苦各位了 ~

哩一張畫，係我好喜歡ge一張；天王瑤捉住阿兔隻手.... 我幻想太多喇太多喇！！嗚呀！！

仲有....\ 我覺得Last fd 哩張poster 靈感係來自哩張直子ge作品 XD

不過講番轉頭
當初我會睇漫畫係因為動畫播左幾集，已經瘋摩於小小學雞中，大約小一的我，為左面子，同隔離屋姐姐講「哼，我有漫畫啦，家姐買比我架」
點知哩位姐姐三番四次問我借
屌，仆街，點算呢，部署下先!!
好! 死跟家姐去買餸 ! 經過報紙檔就lur佢買漫畫 ! 哈哈哈哈 「 家姐，買美少女戰士丫!」
計劃好完美! 家姐好順攤! 好成功!

回想家姐買漫畫真係一d都唔屎燴
買零食玩具比我就係另一個樣 ~ 哈哈哈哈

就係有一個唔屎燴嘅家姐，我得到一個有美戰漫畫嘅童年。到中學，我仲去買番 d 玩具同埋原畫冊(有一本係好朋友家姐送比我 =3= )
(我童年仲有教壞細路嘅蠟筆小新，bb與我，不思議遊戲，必睇嘅叮噹，勁愛ge小甜甜)

左下角果本, 係2003年出版，封面亦比較接近Crystal

" 為了配合寫實版電視，武內直子利用現代CG技術重新繪畫封面及部份內容 "

我買ge哩本，係日本版；其實我係完全唔識日文。。。　哈哈哈～

如果喜歡睇動畫，覺得自己係好喜歡美女少戰士嘅，我推薦你一定要睇一次漫畫。動畫老練咁長，但交待嘅嘢好少，而且佢係比小朋友睇，漫畫其實算係比大人睇 lol　你可以繼續喜歡動畫故事，但你可以當漫畫完全係另一個故事

我尤其喜歡漫畫入面
講天王瑤同月野兔之間嘅事

18期，一d 都唔長，但你絕對會喜歡，會為sailormoon成長而感動

月野兔 Sailormoon，絕對唔係低能兒童

- 如果有朋友介意自己個樣比我貼左出黎，或者介意我貼左閣下ge攝影作品，講聲我知 -