Ocio 給你味道不平凡的窩夫

某天晚上，家中Mr.K 約左人食飯 ~ 我悶悶地, 口淡淡, 就搵左甜品腳陪我"晚飯"

咁哩隻腳問我想去邊，我自己又無乜IDEA，就上google打一句 " 窩夫 銅鑼灣 "

第1項result 就係登龍街間 Ocio ~ ~ E~ 原來係之前同隻腳一齊行過都話想食果間（但當日計劃係去哈根大師）

咁出到去～

打開menu 其實都幾多野想食 ~ Ocio 出名係拿破侖 & 窩夫 ~ 但前者我係唔食ge ~ 除此之外都仲有好多選擇揀 ~ 仲有all day breakfast 添

但係我 目 標 明 確 !  窩 夫 !

通常係其他地方，一係原味，一係朱古力～　好少有其他選擇

而哩度有.. 原味、綠茶、朱古力、拖肥、檸檬、黑芝麻

我就叫左個檸檬味，而隻腳就叫左朱古力味～

咁檸檬窩夫，配料有蜂蜜脆糖～雲尼拿雪糕～

第１下切～脆而鬆化！食落口第１啖就覺得好好食！

其實我當初以為係原味窩夫，配檸檬醬料；點知原來係件窩夫本身已經有檸檬味，真係好香！每一啖都有檸檬味，但並唔係酸～

平時食窩夫，我一定要切一啖窩夫，配一pat雪糕 / 醬料～　但今次我係已經遺忘左ｄ蜂蜜脆糖同埋個雪糕球... ~ 

我已經唔知再用咩文字去講個窩夫喇，總之係好味啦

咁講下粒蜂蜜脆糖～　甜甜地幾好味～　（但感覺係痴牙XD　不過痴一陣都好快溶左啦～）

不過建議中碎細粒少少先好上碟 :p 因為大粒果d 唔易切架，但成粒放入口又太甜～

而個雪糕．．．

menu 只係寫" 雪糕" ~ 無寫味道 ~

我竟然完全食唔出佢係咩味，淨係覺得係"雪糕" ~ 帶點藥水味..　no good~

(最後我係問D STAFF 哩舊野係咩味道~ 先知係雲尼拿.....)

um.... 所以可以撥開～　或者大家可以問個可唔可以轉其他味道啦～

雖然個雪糕唔好食，但個檸檬窩夫咁好食，就原諒你啦！

跟住，我都試左一啖友人的"朱古力窩夫"

佢唔漏，唔太甜～　不過係幾重可可味，但唔係甜甜的"朱古力味" ~ 令到個窩夫好似爭咁d ~

不過佢係配碎朱古力 & 朱古力雪糕球 ~ 配合埋應該係ok 的！友人都相當滿意　～

食完大家都話 " 好食！可以試埋其他味 ! "

咁呀～　講多無謂，行動最實際

第２日Mr.K又話想食~ 話我成日自己去食甜品喎

好LA~ 又去 XD

今次我揀左拖肥味窩夫，配料有香蕉，都係雲尼拿雪糕

（其實我想再食檸檬味，但好似好變態）

拖肥味都係可以就咁食ge 味道 :p  不需醬料配料

不過佢ｄ香蕉面係有一層焦糖　~ 入口又甜又脆又香 ~ 不過係d 蕉片有d 煎燶左咁 ~ XD 梱左黑邊．不過放心～無苦味

咁暫時試左三種味道

都係檸檬領先～　跟住焦糖～　最後先係朱古力～

而價錢方面呢，都唔洗$50 ~ 好味窩夫黎講，哩個價錢絕對ＯＫ!

Ocio

地址：銅鑼灣登龍街36-48號登輝大廈D2舖
　　　旺角廣華街1號仁安大厦地下14D舖
　　　旺角廣華街2-20號翠園大廈二期地下5號鋪
　　　旺角煙廠街33號朗廷軒地下B舖

（旺角洗唔洗咁多分店... lol）

- 如果有朋友介意自己個樣比我貼左出黎，或者介意我貼左閣下ge攝影作品，講聲我知 -