秋風起~ 著外套喇喂!

哩兩日出門發覺... 秋風終於起喇！

渣渣臨好興奮咁番入屋打開衣櫃拎 外 套 ! 

朋友話過我「洗唔洗買咁多褸 ~ 著唔著得晒呀」

我d 衫褲鞋襪呢, 其實就會好著好多年.. 

最舊果件褸應該有8~9年前 ~

同埋點解著唔晒呢? 日日都會出門架嘛!! XD

或者咁講~ 我同你地可以調番轉

我唔會買好多有款上衣....  襯衫可能只係簡單淨色背心/連身裙 + 外套 + 首飾

（我有上衣選擇困難症）

我買得最多應該係西裝褸款 ~

最中意應該係以下哩兩件

西裝褸款~ 嫌單調你亦可以揀 d 心口針配一配 ~ （好似左邊果件咁）

成個感覺又唔同晒 =v=

上面左圖個Westwood 心口針

可能好多人會選擇同款ge 頸鍊 ~ 手鍊~

但係當年我係特登買黎扣西裝褸架~~ 一見鍾情也!!

如果你話依家街邊好少有賣心口針~ ~ 又唔想買名牌

其實唔洗咁苦惱丫? 耳環咪得囉! 最緊要戴上耳仔前消下毒 =)

（不過要肯定你個托扣得實呀，唔見左唔好賴我）
下圖哩個就係耳環黎架喇~

(件褸太Sharp... 張相有d 燦眼 sorry :p )

除左西裝褸 ~ 長身slimcut外套對我黎講都係衣櫃必備物

襯短連裙又得, 長褲又得~高跟鞋又得~ boot又得~ 嘿~
有件白色長 dd, 借左比朋友~ 咁睇住黑色哩件先啦!

 

冬天來說呢 ~ 長身孖襟係不可缺少 ~

( 有墨綠色啦, 紅色啦, 杏色啦, 藍寶色啦,  但好有趣地, 我竟然係無買過黑色 XD )

哩件紅色係仲讀緊書時 $99 敗番黎 ~ woo ~ wooo~~

不過條帶唔知去左邊 !!!

有朋友話過「好想買孖襟~ 但我唔Lady」

我想講「孖襟係可以好_型! 視乎你點襯~ 成個格!」

而其實我最想呢... 係買一件靚Biker.. 白色.. 黑色都想要

睇中果d 都偏貴... 買唔落手 T^T

好啦 ~ 講完一堆廢話

有人問過我係邊度買褸多

好~ 我答你 「行到邊買到邊」 XDDD

我大部份時間都係銅鑼灣買野, 香港仔有間相熟舖, 旺角行過睇0岩就買, 好少去尖沙咀

原本銅鑼灣金百利 / 東角有間叫 Love Fashion 的舖頭，上面橙紅色修身果件就係果度買

但... 老闆頂唔住貴租 , 無左lu.. T^T

ASOS有買過, 但咁0岩買果件就中左伏~ 所以未有勇氣再買外套 ( 連身裙OK的說 )

最近係ZALORA買過首飾都滿意, 黎緊冬天可能或者應該會試試買褸... : p

目標就係試哩件Biker ~~~ 因為好似好修身~ 嗚呀!!!!

我對下面哩個色又毫無反抗之力

不過已經無晒XS lu..

.....

而剛剛提起ge "slimcut長身"... 原來Zalora 都有咁ge款

(去到小腿款式真係好正點 ! )

大家可以睇睇佢點襯 ~ 長褲 VS 短褲~ XD

 

想搵其他款式可以去哩兩個分類..  外套及大䄛  / 套頭及開胸毛衣

( 順帶一提 ~ 以下哩條鍊就係購自Zalora , 熟識我ge朋友絕對會理解我點解中意~ XD)

網購 VS 行街敗家~
其實我係比較中意後者~ 因為中意一試上身 " FIT 呀! " ge 感覺
但網購, 又可以止到女人無時無刻都想買野ge毒癮 XD
買到番黎試到0岩又會覺得「好野! 無蝕錢! 」

等我真係買完件Biker / 其他外套番黎
再向大家報告質素 !





不過順帶想講~ 我最近買左件褸@銅鑼灣東角
好喜歡 ~ 顏色 / cutting ~ 嗚呀!!!!!!
朋友們一向都話哩隻色好襯我架 ( 自HIGH )
我諗我著起你地都會覺得好靚架 XDDD (唔知醜mode on! )
所以我想影比大家睇 XD

好~ 自high 完畢 ! XD