半年前, 唔知哪來的念頭．
想車衫... 的起心肝買衣車後... (最後係買完都無用, 用番屋企部舊衣車)
第一樣想整ge野竟然係袋, 唔係衫?
太 有 趣! 哩個就係Blog名叫 No Idea 的原因~ XD
一個沒有修讀設計的人的設計圖... 哈哈..
點解想整哩個袋? 因為自己無黑色Clutch囉~
點解唔買? 因為我就係想要哩個款...
個設計係自己個腦入面，我又點會買到呢？
咁唯有自己整啦！
當初係打算黑色布，黑色石
有咁低調得咁低調
但加左ｄ藍色，又好似ok 喎
所有野諗好晒 ! 搵材料 !
首先去左深水埗... 買布! 買石! 過程中比人"掠"水我唔詳細講~ 總之最後淘左一堆料補數 XD
材料齊晒！
| 隱形磁石扣 | 磁石扣 | 白膠漿 |
| 令身布 | 挺身布 | 夾棉 |
| 寶石 (耳環一隻) | 兩孔平底石一堆 | 衣車, 較剪等工具 |
第1步 - 先縫石
我無選擇用"痴" ge方法, 亦無諗過用哩個方法
雖然望落靚ｄ，但膠水有佢ge期限，而且又有甩ge機會
而好多街賣ge款，都係一串石連埋，再縫落塊布度
但你只要有一截斷左，成串石就無架喇．會甩晒出黎
所以，既然係手造！造到底！
逐 粒 縫！逐 粒 收 線！
呼.... 看似簡單的工序, 卻花了很多時間!
不過無所謂~ 我enjoy !
再講清楚少少個step
首先剪左塊三角形ge令身布~
放d 石落去砌靚靚．砌到滿意，就點少少白膠漿痴住．
用白膠漿原因正係我出錯都可以搣番出黎，但痴住又方便縫實ｄ石～
開始縫喇~ 縫縫縫縫
所有水滴搞掂 !
最後就係粒"寶石" ~
（其實佢本身係一隻耳環... 買到番黎，覺得好襯我個"設計" ）
正好佢有通花的邊邊，可以縫喇
點知，哩個時候，太興奮了
...
...
...
衰收尾
...
歪左!
本來好懶唔想拆，但朋友勸我拆，話我唔拆會後悔
好！拆，再釘！好快je！
好！搞掂！成條底褲咁！XDDDD
第2步 - 車好袋蓋
剪多塊一樣大的令身布，挺身布，夾棉～車埋兩邊，要度好位縫埋粒隱形磁石
而淨番三個形個底，剪布時要預留多Ｄ出黎～最後同個袋合體時要用，越多越好．
第3步 - 車好個"袋"
為免出錯，我首先剪左兩塊挺身布，夾住塊夾棉，車實四邊同埋摺摺位條中間線～
之後再將哩一份硬掘掘ge野同令身布車埋
期間又要記住度好位攝粒隱形磁石釘埋落去（我是７左, 車埋左先記得 XD 又要拆）
最後落埋粒內磁石
(寶石中間粒石甩左 = = 最後要痴番)
第4步 - 合 體 !
哩個過程用左好多腦汁．．．
我個袋蓋預留唔夠 "合體布" ~ 一個扶唔實就甩左
又太多層布，我車得太快，部衣車有Ｄ食線，前後拆左２次
不過最後都完成到!!!
整完，我真係大滿足！
第１個自己完成ge袋 ~
又無去上咩堂，又無睇咩教學
淨係拎自己ｄ袋出黎左睇右睇研究結構
雖然有ｄ瑕疵，但順利完成到，十萬個高興！！！！
另外有一件有趣瑕疵事，睇下以下哩張相，條線歪左
點解？
因為我釘左磁扣，然後我部衣車係金屬制 XD
車到果個位完全控制唔到咁痴左埋去～ LOL
沒有留言:
張貼留言