敷mask 敷到甩皮?!!!

約星期一晚，行過屈人寺，見到有散裝mask，就屎忽痕買左一塊黎試下啦

櫻之戀 - 頂級蝸牛修護潤白面膜

其實都聽人講過, 香港人唔太適合用蝸牛面膜

因為太潤吧?! 不過女人呢, 為左靚就唔試唔安落...

所以....5蚊...比錢囉

一開, 其實好貼ge,

厚度感覺係同Innisfree好似 (當下感覺係非常開心)

但d精華杰撻撻d....

但敷左一陣, 究竟係心理作用凝住蝸牛唔0岩自己定乜野呢?! 我覺得下巴痕痕地...係地...

咁敷完, 按落係好潤好亮好滑ge, 心情仲好興奮添!

我平時就會按好耐先循例去洗一洗面

咁我今次就都怕太潤, 就洗走晒d 精華

我ge興奮維持左幾十秒左右啦

而話咁快,我塊面就好鬼乾喇

前幾日仲出左哩粒粉刺係下巴, 但下巴又乾到甩皮

唔理37廿一, 賴落你度先, 你唔適合我

雖然係唔適合我je, 但有其他囡囡同你夾得埋架. 應該係.

----------------------------------------------------------------------------------

第一次咁樣影咁大頭，又咁素顏，仲要扎埋頭髮

真係好樣衰。

我家有隻大貓貓

佢個名叫貓貓

無錯,真係好求其咁叫貓貓

原名叫老虎仔,因為叫得多貓貓,佢只對哩個名有反應

就索性叫做貓貓 XD

佢7歲幾架喇!

突徵除左係大肚腩之外,就係佢額上好似比人爆樽流血(?)撻白色紋

走左出街我一定認得!!!!!

尋晚Mr.K餵佢地食貓草,玩碌地

肥仔相當開心,哈哈

雖然係貓大叔,但佢非常嗲架!!!!

第一次煲魚湯!!

今日家中位Mr.K釣左兩條魚仔番黎

佢話係一條斑同一條石狗公

係咩都是但啦,但我認得個樣,家姐拎黎煲湯嗰d魚樣

咁啱尋日買左蕃茄,就煲蕃湯魚仔湯啦!!

材料就係咁!!!!

條魚係咪真係好迷你呢,一個蕃茄都驚多呀!!

首先將少少鹽,胡椒粉係咁e查上條魚個身度啦

之後查d粟份上身,咁會易煎d (因為我第一次煎時好蠢無查, 咪痴左底囉...)

之後就開火煎佢啦!!!!!

煎到金金黃黃就倒好多水落去,落埋蕃茄,大火滾佢十分鐘!!!

之後就中火滾左佢半個鐘,完成!!!

其實中間我係將條魚仔塞左落㷛魚袋,

但佢魚細細,僅餘嘅味就困左係個袋度,d湯超清,得蕃茄味

所以迫於無奈放左佢出黎,成為左一碗魚骨蕃茄湯!!!

好好味!! Mr.K仲話好鮮甜

woohoo!成功了!!